തെറ്റുതിരുത്തൽ പോസ്റ്റാണ്. എനിക്ക് കുറ്റബോധണ്ട്. ഞാനൊരു തെറ്റെഴുതീട്ട് അതു മൂടിവെച്ചു. ആ സാജ്വാര് Saju ഒരു പോസ്റ്റും കൊണ്ടുവന്ന് എന്റെ കുറ്റബോധത്തിന്റെ കടയ്ക്കലെ മണ്ണുവാരിക്കൊണ്ടോയി. കൂടുതൽ പേർക്കും അറിയാത്ത ഒരു കാര്യം തെറ്റായി അവതരിപ്പിച്ചതിന് മനുഷ്യന്റെ പരമ്പരാഗത ജ്ഞാനസമ്പത്തിനോട് ക്ഷമ ചോയ്ക്കട്ടെ. ഉറക്കം പിടിച്ച കുറ്റബോധത്തെ കുലുക്കിയുണർത്തിയ സാജ്വാരുടെ പോസ്റ്റിന്റെ ലിങ്ക്:
https://m.facebook.com/story.php?story_fbid=2409108232456941&id=100000733640613
ഭാരതീയ സസ്യജ്ഞാനത്തെ അജ്ഞാനം കൊണ്ട് വെല്ലുവിളിച്ച എന്റെ പോസ്റ്റിന്റെ ലിങ്ക്:
https://m.facebook.com/story.php?story_fbid=2235228279823588&id=100000093134522
പോസ്റ്റിട്ടു കഴിഞ്ഞു പൂവരശിനെക്കുറിച്ച് വെറുതെ ഞാനൊന്ന് സേർച്ചി. അപ്പൊക്കണ്ടു: അതിൽ ചിതലു വളരില്യാത്രേ! ഷഡ് ദോഷങ്ങളെ പൂവരശിന്നലകിന്നുള്ളിൽ നിന്ന് പുറത്തുചാടി പരക്കംപായുന്ന ചിതലായി വർണ്ണിച്ച്, അവയെ ചിതയിലെരിച്ചു ലൈക്കുകളും കമൻറുകളും വാരിക്കൂട്ടി ആത്മനിർവൃതിയോടിരിയ്ക്കുമ്പോഴാണ് ഈ വെളിച്ചം. തത്കാലം ഞാനത് ഊതിക്കെടുത്തി മയങ്ങി.
ഇപ്പോ പറഞ്ഞാ ഒരു നൂറുപേരെങ്കിലും മനസ്സിലാക്കുമല്ലോ. പൂവരശിന്റെ തടിയ്ക്കും തൊലിയ്ക്കും ചിതൽ വളർച്ചയെ തടുക്കാനുള്ള കഴിവുണ്ട്. തെസ്പേസ്യ പോപൾനിയ എന്ന ശാസ്ത്രനാമമുള്ള ഈ മരം ചെമ്പരത്തിയുടെ കുടുംബാംഗമാണ്. ഇംഗ്ലീഷിൽ പോർഷ്യാ ട്രീ, പസഫിക് റോസ് വുഡ്, മിലോ എന്നൊക്കെ പേരുണ്ട്. ശീലാന്തി, പിൽവരശു് എന്നതൊക്കെ മലയാളം നാമങ്ങളാണ്.
തീരപ്രദേശങ്ങളിലും ഉപ്പുകലർന്ന മണ്ണിലും വളരാനാണിഷ്ടം. ഭംഗിയുള്ള ഇളംമഞ്ഞ ഇതളുകൾക്കുള്ളിലെ ബ്രൗൺ നിറം പൂവിനെ കൂടുതൽ സുന്ദരിയാക്കുന്നു. തൊലിയിൽ നിന്നെടുക്കുന്ന നാരും ഉറപ്പുള്ളതും വേഗത്തിൽ ദ്രവിക്കാത്തതുമായ തടിയും കപ്പൽ നിർമാണത്തിന് ഉപയോഗിച്ചിരുന്നത്രേ. തവിൽ (തകിൽ ) എന്ന വാദ്യോപകരണം നിർമ്മിയ്ക്കുന്നത് പൂവരശിൻ തടിയിൽനിന്നാണ്. മൃദു ഭാഗങ്ങൾ കാലിത്തീറ്റയായി ഉപയോഗിക്കുന്നു. മണ്ണൊലിപ്പ് തടയുന്നതിന് തീരപ്രദേശങ്ങളിൽ നട്ടുവളർത്താൻ ഉത്തമം. തൊലി, ഇല, പൂവ്, വിത്ത് എന്നിവ ആയുർവേദ ഔഷധങ്ങളിൽ ഉപയോഗിയ്ക്കുന്നു.
https://www.google.com/url?sa=t&source=web&rct=j&url=https://ml.m.wikipedia.org/wiki/%25E0%25B4%25AA%25E0%25B5%2582%25E0%25B4%25B5%25E0%25B4%25B0%25E0%25B4%25B6%25E0%25B5%258D%25E0%25B4%25B6%25E0%25B5%258D&ved=2ahUKEwjIsM2u84DhAhUGTn0KHZ7pDt8QFjASegQIAxAB&usg=AOvVaw2-IxvQoBq3Xri5uiwstBRR&cshid=1552542142549
കടപ്പാട് Wikipedia
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ