മടി

മടിയൊരു ലഹരിയാണ്. മറ്റു ലഹരികളെക്കാൾ മികച്ച ഒരു ലഹരി. ഉത്തേജകമരുന്നുകൾ
കണ്ടെത്തേണ്ടതില്ലാത്ത; മയക്കുമരുന്നിന്റെ സാമ്പത്തികാനിവാര്യതകൾ പോലുമില്ലാത്ത ഉപാധികളില്ലാത്ത ലഹരിയുടെ സമുദ്രം. 

മടിയെ ജയിയ്ക്കാൻ യുദ്ധം ചെയ്യേണ്ടതുണ്ട്.  മുട്ടുന്യായങ്ങളുടെ ചക്രവ്യൂഹത്തിൽ അകത്തു നിന്നും പൊരുതിത്തുടങ്ങേണ്ട കർമ്മയുദ്ധം. പോരാളിയും എതിരാളിയും അവരവർ തന്നെയാകുന്ന ധർമ്മയുദ്ധം. കുറഞ്ഞ ഊർജ മൂലധനത്തിൽ നിന്നും കുറേയധികം ഊർജ്ജവും സന്തോഷവും സമാധാനവും കൈവരുന്ന അതിജീവനത്തിന്റെ കൃഷിയും വ്യവസായവും കൂടിയാണത്.